Ствараем змены разам: ваша кампанія — наша падтрымка
Фінансаваны ЕС праект “Eastern Partnership Civil Society Facility” запрашае беларускія арганізацыі грамадзянскай супольнасці (АГС), якія дзейнічаюць за межамі Беларусі{1}, прыняць удзел у праграме Communication Labs (Comm.Labs) 2025 — спецыялізаванай праграме па ўзмацненні патэнцыялу, распрацаванай для падтрымкі ў стварэнні і рэалізацыі эфектыўных камунікацыйных кампаній.
Праграма Comm.Labs распрацавана, каб дапамагчы арганізацыям грамадзянскай супольнасці (АГС) палепшыць свае стратэгічныя камунікацыйныя навыкі, удасканаліць фармуляванне паведамленняў і запусціць эфектыўныя кампаніі, накіраваныя на вырашэнне ключавых праблем у грамадстве. Удзельнікі і ўдзельніцы Comm.Labs атрымаюць доступ да ментарства, экспертнай падтрымкі і рэсурсаў, якія дапамогуць ім узмацніць свой голас і садзейнічаць пазітыўным грамадскім зменам.
Да 10 беларускіх арганізацый грамадзянскай супольнасці, якія дзейнічаюць за межамі Беларусі і зарэгістраваны ў краінах ЕС або Усходняга партнёрства, будуць адабраны для ўдзелу ў праграме Communication Labs са сваімі ідэямі камунікацыйных кампаній. Па выніках праграмы да 3 ідэй кампаній будуць адабраны для фінансавання ЕС (да 8 000 еўра). Фінансаванне прадугледжана на рэалізацыю і запуск кампаній.
Важна! Заяўкі на ўдзел у Communication Labs прымаюцца толькі на ангельскай мове! Перад падачай заяўкі ўважліва азнаёмцеся з Кіраўніцтвам па падачы заявак (на ангельскай або беларускай мове) і шаблонам Формы заяўкі.
Форма заяўкі змяшчае каля 40 пытанняў, некаторыя з якіх патрабуюць разгорнутых адказаў. Мы настойліва рэкамендуем спачатку азнаёміцца з PDF-версіяй Формы заяўкі (даступная тут) перад тым, як пачынаць працэс запаўнення анлайн. Запаўненне заяўкі можа заняць некалькі гадзін, і вам можа спатрэбіцца дапамога калег і каляжанак. Не адкладайце падачу заяўкі на апошні дзень перад дэдлайнам! Калі вы сутыкнецеся з праблемамі падчас запаўнення заяўкі, калі ласка, звяжыцеся з намі па адрасе: dc@eapcivilsociety.eu
Далучайцеся да інфармацыйнай сесіі 25 сакавіка 2025 года, каб даведацца больш пра Communication Labs!
Калі: аўторак, 25 сакавіка 2025 г. / 13:00 (па Бруселю)
Чаго чакаць ад сесіі:
- Падрабязны агляд праграмы Communication Labs
- Пакрокавае тлумачэнне працэсу падачы заяўкі
- Карысныя парады па напісанню пераканаўчай заяўкі
- Сесія Q&A, дзе вы зможаце атрымаць адказы на ўсе свае пытанні
Рэгістрацыя на інфармацыйную сесію па спасылцы.
Далучыўшыся да Communication Labs, арганізацыі грамадзянскай супольнасці атрымаюць наступныя магчымасці:
- Развіццё патэнцыялу: доступ да практычных навучальных сесій, экспертнага ментарства і індывідуальнай падтрымкі для ўдасканалення камунікацыйных кампаній.
- Наладжванне сувязяў: супрацоўніцтва з іншымі ўдзельнікамі/цамі, ментарамі/камі і экспертамі/камі для абмену ведамі, вопытам і стварэння трывалых партнёрстваў.
- Рэсурсная падтрымка: да трох адабраных кампаній атрымаюць фінансаванне на распрацоўку матэрыялаў, рэалізацыю мерапрыемстваў і ахоп мэтавай аўдыторыі ў межах сваіх кампаній (да 8 000 еўра).
- Павышэнне бачнасці: магчымасць прадставіць дзейнасць і ініцыятывы сваёй арганізацыі шырокай аўдыторыі, умацоўваючы сваю ролю праз актыўнае прадстаўніцства грамадзянскай супольнасці.
Ад сацыяльнай справядлівасці да захавання навакольнага асяроддзя — любая ініцыятыва, якая накіравана на пазітыўныя змены, вітаецца. Кампаніі могуць быць прысвечаны сацыяльнай інклюзіі, паляпшэнню доступу да медыцынскіх паслуг, падтрымцы рэформ і адвакацыі новых палітык.
Прапанаваныя ідэі могуць уключаць адвакацыйныя кампаніі ці кампаніі па павышэнню асвядомленасці праз традыцыйныя або сацыяльныя медыя, сустрэчы суполак, тэматычныя мерапрыемствы і іншыя фарматы. Калі гэта мэтазгодна і адпавядае кантэксту (уключаючы часовыя рамкі праграмы), камунікацыйныя кампаніі могуць быць інтэграваны ў больш шырокія ініцыятывы на нацыянальным і міжнародным узроўні, звязаныя са штогадовымі міжнароднымі днямі, такімі як Дзень дэмакратыі, Дзень працы, Дзень правоў чалавека, Дзень барацьбы з карупцыяй, 16 дзён актыўных дзеянняў супраць гендарнага гвалту, Міжнародны дзень валанцёрства, Дзень вады, навакольнага асяроддзя і змянення клімату, і інш.
Вашы ідэі кампаній павінны закранаць ключавыя грамадскія праблемы і быць накіраванымі на адну або некалькі з наступных аўдыторый:
- Людзі ў выгнанні або мігранты/кі з Беларусі — садзейнічанне згуртаванасці супольнасці, устойлівасці і адвакацыі галасоў беларусаў і беларусак за мяжой.
- Людзі ў Беларусі — павышэнне інфармаванасці або вырашэнне ключавых грамадскіх патрэб, пры забеспячэнні бяспекі ў камунікацыйных падыходах.
- Грамадзяне ЕС — фарміраванне большай асвядомленасці і салідарнасці, узмацненне галасоў беларусаў/ак і дэманстрацыя ролі грамадзянскай супольнасці ў садзейнічанні пазітыўным зменам.
Калі ласка, азнаёмцеся з Кіраўніцтвам па падачы заявак (на ангельскай або беларускай мове) для атрымання больш падрабязнай інфармацыі аб ідэях, якія могуць і не могуць быць падрыманы.
Праграма адкрыта для афіцыйна зарэгістраваных беларускіх арганізацый грамадзянскай супольнасці (АГС), якія дзейнічаюць за межамі Беларусі. Заяўкі прымаюцца ад каманд, якія складаюцца з мінімум 3 актывістаў/ак, якія прадстаўляюць адну або розныя арганізацыі. Большасць крытэраў адпаведнасці датычыцца кіраўніка/цы каманды (галоўнага заяўніка/цы) і АГС, якую ён/яна прадстаўляе (арганізацыя-заяўніца). Калі ласка, уважліва азнаёмцеся з Кіраўніцтвам па падачы заявак (на ангельскай або беларускай мове).
Каб адпавядаць крытэрам, арганізацыя, якая падаецца на ўдзел у праграме, павінна:
- быць афіцыйна зарэгістраванай і дзейнічаць за межамі Беларусі: у краіне ЕС або ў краіне Усходняга партнёрства (Арменіі, Азербайджане, Грузіі, Малдове ці Украіне);
- мець выразны мандат і пацверджаны досвед працы (як мінімум два гады) у сферы сацыяльных зменаў, узаемадзеяння з супольнасцямі або адстойвання інтарэсаў, з фокусам на Беларусь, краіны ЕС або Усходняга партнёрства;
- узяць на сябе абавязак па актыўным удзеле ва ўсіх этапах Communication Labs, уключаючы развіццё патэнцыялу, стварэнне кантэнту і рэалізацыю кампаніі.
Падаваць заяўку могуць толькі зарэгістраваныя арганізацыі, паколькі фінансаванне будзе пераведзена на афіцыйны банкаўскі рахунак арганізацыі. Калі ваша арганізацыя не зарэгістраваная, але ў вас ёсць ідэя кампаніі, рэкамендуецца падаць заяўку праз зарэгістраваную партнёрскую арганізацыю або сетку.
Адбор АГС і ўдзельнікаў/ніц: да 10 беларускіх АГС, якія дзейнічаюць за межамі Беларусі, будуць адабраны для ўдзелу ў праграме. Кожная арганізацыя павінна стварыць каманду з 3 удзельнікаў/ніц, якія будуць уцягнуты ў распрацоўку кантэнту для кампаній. Усяго ў Communication Labs прымуць удзел 30 чалавек.
Развіццё патэнцыялу і наладжванне сувязяў (анлайн і афлайн): праграма стартуе ў траўні 2025 года з 2-дзённай афлайн-сесіі ў Польшчы, дзе ўдзельнікі/цы прэзентуюць свае ідэі кампаній, наладзяць прафесійныя сувязі і супрацоўніцтва з ментарамі/камі, пройдуць навучальныя сесіі, прысвечаныя распрацоўцы камунікацыйных кампаній.
Ментарства і дапрацоўка канцэпцый: пасля ўступнай сесіі удзельнікі/цы будуць працаваць з дасведчанымі ментарамі/камі (анлайн і афлайн) над удакладненнем канцэпцыі кампаніі, вызначэннем мэтаў і мэтавых аўдыторый, распрацоўкай ключавых паведамленняў, падрыхтоўкай плана рэалізацыі.
Адбор кампаній для фінансавання: пасля этапу ментарства і навучання каманды пададуць дапрацаваныя стратэгіі кампаній у Ацэначны камітэт. Да трох найбольш перспектыўных кампаній будуць адабраны для наступнага этапу.
Распрацоўка, запуск і ацэнка кампаній: абраныя кампаніі атрымаюць да 8 000 еўра ад ЕС на распрацоўку камунікацыйных матэрыялаў і запуск мерапрыемстваў. Этап рэалізацыі ўключае пастаянную падтрымку, маніторынг і ацэнку, каб гарантаваць паспяховае ажыццяўленне і ўплыў кампаній.
Ментары і ментаркі Communication Labs будуць беларускімі экспертамі/камі з вялікім досведам у сферы камунікацый, адвакацыі і распрацоўкі кампаній. Гэта забяспечыць кантэкстную значнасць ментарства з улікам асаблівасцей працы беларускай грамадзянскай супольнасці за межамі Беларусі.
Этапы ацэнкі і крытэрыі прадстаўлены ў Кіраўніцтве па падачы заявак (на ангельскай або беларускай мове). Усе заяўкі будуць ацэньвацца па наступных параметрах:
- Адміністрацыйная праверка — праверка адпаведнасці тэрмінам падачы, паўнаты дадзеных і адпаведнасці крытэрам.
- Ацэнка патэнцыялу і досведу — аналіз вопыту, кампетэнцый і гатоўнасці да абавязацельстваў АГС і галоўнага заяўніка/цы.
- Ацэнка ідэі кампаніі — аналіз рэлевантнасці ідэі, патэнцыйнага грамадскага ўплыву і рэалістычнасці выканання.
- Ідэі кампаній, пададзеныя на этапе заяўкі, з’яўляюцца першаснымі канцэпцыямі. Пасля адбору яны будуць дапрацоўвацца ў рамках Communication Labs.
- Ангельская мова з’яўляецца асноўнай для працэсу падачы заявак і камунікацыі з праектнай камандай. Камунікацыйныя матэрыялы павінны стварацца на мясцовых мовах. Камунікацыя паміж камандамі і ментарамі/камі можа адбывацца на беларускай мове. Важна:
- хаця б адзін/адна з удзельнікаў/ніц каманды (галоўны заяўнік/ца) павінны валодаць ангельскай мовай.
- Падрабязныя крытэрыі ацэнкі і сістэма балаў даступныя ў Кіраўніцтве па падачы заявак (на ангельскай або беларускай мове).
- Адказы на найбольш частыя пытанні ад патэнцыйных заяўнікаў/ніц Communication Labs можна знайсці тут.
Каб падаць заяўку, праверце адпаведнасць крытэрам і дашліце заяўку на ангельскай мове па спасылцы да 23:00 (CET) 7 красавіка 2025 года.
Пытанні і запыты на дадатковую інфармацыю можна накіроўваць на [email protected]. Далучайцеся да інфармацыйнай сесіі 25 сакавіка 2025 года, каб даведацца больш пра Communication Labs!
Форма заяўкі змяшчае каля 40 пытанняў, некаторыя з якіх патрабуюць разгорнутых адказаў. Мы настойліва рэкамендуем спачатку азнаёміцца з PDF-версіяй Формы заяўкі (даступная тут) перад тым, як пачынаць працэс запаўнення анлайн. Запаўненне заяўкі можа заняць некалькі гадзін, і вам можа спатрэбіцца дапамога калег і каляжанак. Не адкладайце падачу заяўкі на апошні дзень перад дэдлайнам! Калі вы сутыкнецеся з праблемамі падчас запаўнення заяўкі, калі ласка, звяжыцеся з намі па адрасе: dc@eapcivilsociety.eu
[1] У адпаведнасці з Заключэннямі Савета ад 12 кастрычніка 2020 года і 19 лютага 2024 года, а таксама ў сувязі з удзелам Беларусі ў расійскай ваеннай агрэсіі супраць Украіны, прызнанага ў Заключэннях Еўрапейскага Савета за люты 2022 года, ЕС спыніў узаемадзеянне з прадстаўнікамі дзяржаўных органаў і дзяржаўных прадпрыемстваў Беларусі. У выпадку змянення сітуацыі гэтае пытанне можа быць перагледжана. Тым часам ЕС працягвае ўзаемадзеянне з недзяржаўнымі, мясцовымі і рэгіянальнымі суб’ектамі і, па магчымасці, узмацняе іх падтрымку, у тым ліку ў межах гэтай рэгіянальнай праграмы.
