ვქმნით ცვლილებებს ერთად: თქვენი კამპანია, ჩვენი მხარდაჭერა / Crafting Change Together: Your Campaign, Our Support!
ევროკავშირის მიერ დაფინანსებული აღმოსავლეთ პარტნიორობის სამოქალაქო საზოგადოების ფონდის პროექტი მიმართავს სამოქალაქო საზოგადოების ორგანიზაციებს სომხეთიდან და საქართველოდან, შეიტანონ განაცხადი „საკომუნიკაციო ლაბორატორიებში“ მონაწილეობის მისაღებად – სპეციალური შესაძლებლობების განვითარების პროგრამა სომხური და ქართული სსო-ებისთვის, რათა დაეხმარონ მათ განავითარონ და წამოიწყონ საკუთარი საკომუნიკაციო კამპანიები ევროკავშირის მხარდაჭერით.
საკომუნიკაციო ლაბორატორიები ცდილობენ აღჭურონ სსო-ები საჭირო უნარებით, რესურსებითა და მენტორობით, რომლებიც საჭიროა ეფექტური საკომუნიკაციო კამპანიების შემუშავებისა და განხორციელებისთვის. ეს კამპანიები არა მხოლოდ აამაღლებენ ცნობიერებას სამოქალაქო საზოგადოების გადამწყვეტი როლის შესახებ, არამედ ხელს შეუწყობენ საზოგადოებრივი ორგანიზაციების პოზიტიურ აღქმას, ცვლილებების მამოძრავებელი ძალისა და საზოგადოების მობილიზატორების შესახებ.
20-მდე სამოქალაქო საზოგადოების ორგანიზაცია, 10 სომხეთიდან და 10 საქართველოდან, შეირჩევა საკომუნიკაციო ლაბორატორიებში მათი კამპანიის იდეებით მონაწილეობის მისაღებად. შესაძლებლობების განვითარების პროგრამის დასასრულს შეირჩევა 6-მდე კამპანიის იდეა, რომლებიც მიიღებენ ევროკავშირის დაფინანსებას ამ იდეების განსახორციელებლად და დასაწყებად.
მნიშვნელოვანია! განაცხადის ფორმა წარმოდგენილი უნდა იყოს ინგლისურ ენაზე!გთხოვთ, ყურადღებით წაიკითხოთ აპლიკანტების სახელმძღვანელო (ინგლისურ ენაზე).
- გაძლიერებული შესაძლებლობები: თქვენ და თქვენი ორგანიზაცია შეიმუშავებთ ეფექტური საკომუნიკაციო სტრატეგიების სრულ გაგებას და მიიღებთ პრაქტიკულ უნარებს საკომუნიკაციო და ადვოკატირების კამპანიების შემუშავებისა და განხორციელების საქმეში. თქვენ მიიღებთ ცოდნას და პრაქტიკულ უნარებს, აუდიტორიის ანალიზისა, შეტყობინებების შექმნის, სიუჟეტების მოთხრობის, ბიუჯეტირების, მედიის ჩართულობისა და კამპანიის შეფასებაში და იმუშავებთ საკუთარი კამპანიის იდეებზე.
- ინოვაციური კამპანიის იდეები: ლაბორატორიები შეიმუშავებენ 20-მდე ინოვაციურ და ეფექტურ საკომუნიკაციო კამპანიის იდეას სოციალური საკითხების გადასაჭრელად. მენტორობის, თანამშრომლობისა და უკუკავშირის საშუალებით თქვენ დახვეწავთ თქვენს თავდაპირველ იდეებს, რაც გამოიწვევს კარგად შემუშავებული კამპანიის სტრატეგიებს და განხორციელების გეგმებს.
- გაძლიერებული ქსელები: ლაბორატორიები ხელს შეუწყობს ქსელის შექმნას და თანამშრომლობას ყველა მონაწილე სამოქალაქო საზოგადოების ორგანიზაციასა და აქტივისტს შორის. თქვენ გექნებათ შესაძლებლობა დაამყაროთ კავშირები, გაუზიაროთ გამოცდილება და ჩამოაყალიბოთ პარტნიორობა, რომელიც შეიძლება გასცდეს ლაბორატორიებს.
- მხარდაჭერილი კამპანიები: ექვსამდე კამპანიის იდეა იქნება მხარდაჭერილი და განხორციელებული ევროკავშირის დაფინანსებით, პროექტის გუნდის გამოცდილების საფუძველზე, მათ შორის თემატური ცოდნითა და პოპულარიზაციათ, რომელიც საჭიროა კამპანიის წარმატებით მომზადებისა და დაწყებისთვის.
ამ კონკურსში მონაწილეობის მიღება შეუძლიათ ოფიციალურად რეგისტრირებული სამოქალაქო საზოგადოების ორგანიზაციების წარმომადგენლებს სომხეთიდან და საქართველოდან. განმცხადებლები უნდა აკმაყოფილებდნენ შერჩევის სპეციფიკურ კრიტერიუმებს, რომლებიც დაკავშირებულია მთავარ განმცხადებელთან, განმცხადებელ სამოქალაქო ორგანიზაციასთან და შემოთავაზებულ საკომუნიკაციო კამპანიის იდეასთან. ეს კრიტერიუმები უზრუნველყოფენ მონაწილეების მზადყოფნას აქტიური მონაწილეობისთვის და ეფექტური კამპანიების განვითარებისთვის. გთხოვთ, ყურადღებით წაიკითხოთ აპლიკანტების სახელმძღვანელო (ინგლისურ ენაზე).
შემოთავაზებული იდეები საკომუნიკაციო კამპანიებისთვის შეიძლება მოიცავდეს ცნობიერების ამაღლებას ან ადვოკატირების კამპანიებს, რომლებიც განხორციელდება სოციალური მედიის კამპანიების საშუალებით, სკოლებში/უნივერსიტეტებში შეკრებებისა და ღონისძიებების ორგანიზებით კონკრეტულ თემებზე, მედია ღონისძიებებით და ა.შ. საჭიროების შემთხვევაში (მათ შორის დროის მიხედვით), შემოთავაზებული საინფორმაციო კამპანიები შეიძლება ინტეგრირებული იყოს უფრო ფართო ეროვნულ და საერთაშორისო ძალისხმევაში, რომელიც დაკავშირებულია ყოველწლიურ საერთაშორისო დღეებთან, როგორიცაა დემოკრატიის დღე, შრომის დღე, ადამიანის უფლებათა დღე, კორუფციის წინააღმდეგ ბრძოლა, კამპანიის 16 დღე გენდერული ძალადობის წინააღმდეგ, მოხალისეთა საერთაშორისო დღე, წყლის, გარემოს დაცვისა და კლიმატის ცვლილების დღე და ა.შ.
- შემოთავაზებული საკომუნიკაციო კამპანიის იდეა უნდა შეესაბამებოდეს სამოქალაქო საზოგადოების ორგანიზაციების, როგორც ცვლილებების ფაქტორების და თემის მობილიზატორების შესახებ ცნობიერების ამაღლების საერთო მიზანს.
- კამპანიის იდეა უნდა ეხებოდეს სომხეთისა და საქართველოსთვის აქტუალურ და მნიშვნელობის მქონე სოციალურ საკითხს, ფოკუსირებული იყოს პოზიტიურ გავლენასა და საზოგადოების ჩართულობაზე.
- კამპანიის იდეას უნდა ჰქონდეს გრძელვადიანი ეფექტი, რომელიც სცილდება მის დაუყოვნებლივ განხორციელებას.
- კამპანიის იდეა უნდა იყოს ინოვაციური და კრეატიული.
გთხოვთ, გაეცნოთ აპლიკანტთა სახელმძღვანელოს დამატებითი ინფორმაციისთვის დასაშვები და დაუშვებელი იდეების შესახებ!
- სსო-ებისა და მონაწილეების შერჩევა: ამ წინადადების გამოცხადების ფარგლებში შეირჩევა 10-მდე სსო სომხეთიდან და 10 სსო საქართველოდან. თითოეული ორგანიზაცია შექმნის 3-მდე წევრისგან შემდგარ გუნდს, რომელიც ჩაერთვება კამპანიის შინაარსის განვითარებაში. საკომუნიკაციო ლაბორატორიები უმასპინძლებს სულ 30 მონაწილეს თითოეული ქვეყნიდან.
- შესაძლებლობების განვითარება და ქსელის შექმნა (ონლაინ და პირადად): პროგრამა დაიწყება 2023 წლის ნოემბერში ორდღიანი პირისპირ სესიით ერევანში (სომხეთის მონაწილეებისთვის) და თბილისში (საქართველოს მონაწილეებისთვის). ეს სესიები წარადგენენ ლაბორატორიის დღის წესრიგს, ხელს შეუწყობენ ქსელის და თანამშრომლობის განვითარებას და შესთავაზებენ ინტენსიური შესაძლებლობების გაძლიერების სავარჯიშოებს. ეს აქტივობები მონაწილეებს საშუალებას მისცემენ გაიგონ საკომუნიკაციო კამპანიების ეფექტურობა, ჩამოაყალიბონ კამპანიის მკაფიო მიზნები და დაასრულონ პრაქტიკული სავარჯიშოები.
- მენტორობა და კონცეფციის დაზუსტება. პირველი სესიის შემდეგ, ლაბორატორიები გააგრძელებენ ვებინარებისა და ონლაინ კონსულტაციების ჩატარებას მენტორებთან. თითოეული გუნდი მჭიდროდ იმუშავებს თავის მენტორთან, რათა დახვეწოს კამპანიის ხედვა, განსაზღვროს სამიზნე აუდიტორია, შეიმუშაოს სტრატეგიები და დაადგინოს ბიუჯეტი.
- კამპანიების შერჩევა დაფინანსებისთვის: მენტორობისა და ტრენინგის შემდეგ, მონაწილე გუნდები თავიანთ კამპანიის სტრატეგიებს წარუდგენენ შეფასების კომიტეტს. ყველაზე პერსპექტიული სტრატეგიები (ერთ ქვეყანაში 3-მდე) გადავა შემდეგ ეტაპზე.
- კამპანიის შემუშავება, დაწყება და შეფასება: შერჩეულ სსო-ებს მიეცემათ ორი თვე კამპანიის მასალების მოსამზადებლად. ეს კამპანიები ამოქმედდება სხვადასხვა პლატფორმაზე, საკომუნიკაციო ლაბორატორიების დროს შემუშავებული სტრატეგიებისა და გეგმების საფუძველზე (მათ შორის სოციალური მედია, ძირითადი მედია, საჯარო ღონისძიებები და ა.შ.). მკაცრი მონიტორინგი შეაფასებს კამპანიის განხორციელებას და გავლენას.
განაცხადების შეფასების დეტალური ნაბიჯები და კრიტერიუმები მოცემულია აპლიკანტთა სახელმძღვანელოში. ყველა განაცხადი შეფასდება შემდეგნაირად:
- ადმინისტრაციული შემოწმებები: განაცხადები შემოწმდება წარდგენის ვადის, სისრულისა და შესაბამისობის კრიტერიუმების მიხედვით.
- შესაძლებლობებისა და გამოცდილების შეფასება: სსო და წამყვანი აპლიკანტები შეფასდებიან გამოცდილების, შესაძლებლობებისა და ვალდებულებების საფუძველზე.
- კამპანიის იდეის შეფასება: შემოთავაზებული კამპანიის იდეები შეფასდება შესაბამისობის, საზოგადოების გავლენისა და ინოვაციური მიდგომების მიხედვით.
- განაცხადის პროცესში წარმოდგენილი კამპანიის იდეები განიხილება თავდაპირველ პროექტებად.შერჩეული იდეები კომპლექსურად შემუშავდება ლაბორატორიების ფარგლებში.
- ინგლისური ენის ცოდნის მოთხოვნები ვრცელდება განაცხადის პროცესზე და ჩვენს პროექტთან კომუნიკაციაზე. კამპანიის მასალები უნდა შემუშავდეს ძირითადად სომხეთისა და საქართველოს ადგილობრივ ენებზე. კომუნიკაცია მონაწილე გუნდებსა და დანიშნულ მენტორებს შორის შეიძლება ასევე იყოს ადგილობრივ ენებზე. მნიშვნელოვანია: თქვენი გუნდიდან მინიმუმ ერთ ადამიანს (წამყვან კანდიდატს) უნდა შეეძლოს კომუნიკაცია ინგლისურ ენაზე!
- დეტალური ეტაპები, კრიტერიუმები და შეფასების ცხრილი ხელმისაწვდომია აპლიკანტთა სახელმძღვანელოში (ინგლისურ ენაზე).
განაცხადის მისაღებად გთხოვთ, შეამოწმოთ თქვენი მონაწილეობის უფლება და წარადგინოთ თქვენი განაცხადი ინგლისურად 2023 წლის 25 სექტემბრის 23:00 საათამდე CET. შეკითხვები და მოთხოვნები დაზუსტების მიზნით შეგიძლიათ გააგზავნოთ მისამართზე [email protected]
მნიშვნელოვანია! განაცხადის ფორმა წარმოდგენილი უნდა იყოს ინგლისურ ენაზე!